Oleh: Yusradi Usman al-Gayoni
Aku petungkuk
Mongot pesinguk
Mumekeri tubuh rembege
Kune die muripku kase
Sawah ke die angan kasat
Ejet ni niet
Pinte ni ate
Lauh remenang
Mujaril
Turun ku dagu
Terbayang ama ine
Biak sudere
Orom rakan sebet ku
I tanoh Gayo
Kusa die ku kadun nasib ku
Gerara ton mungadu
Kenaken besere
Gere pat seren
Ku tentamen dedengku
Ku doloten seserengku
Ku kuyu beremus
Orom uren si turun
Aku besisu
Wan tengah melem
Aku besebuku
Ku haturen semah
Ku tatangen pumungku
Ku Tuhen si sara
Aku berserah
Buge tenang atengku
Allah Tuhen si sara
Osah Ko petunjuk
Kemudahen
Dan pertulungen-Mu
Katas diringku
Pasar VI, Padang Bulan, Medan
14 Mei 2009 (22.30-22.40)
