Oleh: Yuradi Usman al-Gayoni*
Belem isa munetah langkah
Beruet ari umah
Munatangen nemah
Remalan langkah serapah
Besinen aku ku aka lah
Kemana ine orom ama gere i umah
Sire remalan mujaril lauh
Tiro tulung boh aku sawah
Munanti motor i Simpang Pet
Jarang-jarang mu kelibet
Sawah pong rakan sebet
Aku pe gere ne pipet
Gere mokot motor pe sawah
I teken renye nemah
Wan motor lauh ku kersi metuh
Mu ninget ken nasib rembege tubuh
Lauh nge makin remenang
Mu ninget ken ama ini i Belang
Beta ken aka kul pe
Entah aherat entah denie
Pekeren nge makin karu
Ate nge makin macik
Ku tuhen aku mungadu
Buge sehat bewene dan sawah si tuju
*Jalan Terompet, Padang Bulan, Medan
14 September 2008
Tidak ada komentar:
Posting Komentar