Manat Nama Ine

Oleh: Yusradi Usman al-Gayoni


Aku petungkuk
Mongot pesinguk
Peberguk
I batang ruang
I ranto dagang
Ku ulaki ku duduk
Mu ninget aku
Ken manat ama ine
I tanoh Gayo
Gelah kemel
I tegeren semangat mu
Gelah makal
Gelah pane mu nanto ate
Mu menah diri
Gelah i desi untung mu
Anak ku
I serahen diri ku Tuhen
Buge selamat ko i jelen
Gere muhali seli
Mu kulu kie
Sawah si tuju
Ejet ni niet
Pinte ni ate
Ken manat mu sabe teringet
Ken rupe mu sabe terbayang
Ama ineng ku i duduk ni tenge


Jalan Masjid Syuhada Gg. Putra Jasa No. 93B, Padang Bulan, Medan
15 Mei 2009